Kryetari Komunës së Lipjanit, Imri Ahmeti ka thën se nesër, më 14 shtator, nxënësit në arsimin parafillor, fillor, klasat e gjashta dhe klasat e dhjeta fillojnë mësimin në masat dhe kushtet e kërkuara.
Sipas Ahmetit, në koordinim me grupin punues për përgatitjen e vitit të ri shkollor 2020-2021, në Komunën e Lipjanit janë bërë të gjitha përgatitjet për fillimin e vitit të ri shkollor.
“DKA në Lipjan konform situatës së krijuar do raportojë në MASH për shkollat e Komunës sonë”, ka thën Ahmeti.
Postimi i plotë:
Të nderuar nxënës, mësimdhënës e prindër
Nesër, më 14 shtator, nxënësit në arsimin parafillor, fillor, klasat e gjashta dhe klasat e dhjeta fillojnë mësimin në masat dhe kushtet e kërkuara.
Në koordinim me grupin punues për përgatitjen e vitit të ri shkollor 2020-2021, në Komunën e Lipjanit janë bërë të gjitha përgatitjet për fillimin e vitit të ri shkollor.
Shkollat e Komunës së Lipjanit janë të gatshme për fillimin e vitit të ri shkollor 2020/2021 sipas udhëzuesve, protokolleve dhe manualeve zyrtare të hartuara nga MASH, MSH, IKSHPK (Është bërë dezinfektimi i të gjitha shkollave),
DKA ka kryer të gjitha obligimet (Është bërë furnizimi me maska, termometër, dezinfektues, Stickers, postera, mjete higjienike dhe materiale tjera të nevojshme për fillimin e vitit të ri shkollor),
Janë krijuar Task forcat në të gjitha shkollat e Komunës së Lipjanit,
DKA në Lipjan konform situatës së krijuar do raportojë në MASH për shkollat e Komunës sonë.
Apeloj tek të gjithë prindërit që të kenë kujdes për fëmijët e tyre, në rast se ju paraqitet ndonjë problem shëndetësorë të mos i dërgojnë fëmijët në shkollë dhe të njoftojnë përgjegjësit e shkollës.
Gjithashtu gjatë dërgimit të fëmijëve në shkollë të vendosin maskat dhe të mbajnë distancën konform rekomandimeve të dhëna nga IKSHPK, MSH dhe MASH.
Urime, suksese!
