Carlo Ancelotti ka vetëm fjalë të mira për blerjen e re të Everton, James Rodriguez.

James edhe zyrtarisht ka lënë Real Madridin për të kaluar në Premierligë, te skuadra e Everton.

“James, siç e dinë të gjithë, është lojtar fantastik me shumë kualitete dhe shumë i aftë për të asistuar për sulmuesit”, u shpreh Ancelotti.

“Është i entuziazmuar për projektin dhe me faktin se duam të përmirësohemi. Doja patjetër ta transferoja dhe nuk kisha nevojë për shumë kohë për ta bindur. Lojtarë si James dhe Allan mund të na ndihmojnë që të jemi më të mirë dhe ne mund t’i ndihmojmë ata të jenë më të mirë”. /Gazeta Express/