Sulmuesi i talentuar i Real Madridit, Brahim Diaz, ka mbërritur në Milano për t’i kryer testet e zakonshme mjekësore, para se t’i bashkohet Milanit.

I riu spanjoll zbarkoi në Itali të mërkurën në mbrëmje dhe sot do t’i bëjë testet e kërkuara mjekësore, para se të nënshkruajë marrëveshje huazimi me kuqezinjtë, transmeton Gazeta Express.

Mediat italiane shkruajnë se Diaz do ta bartë fanellën me numrin 21, të cilën e veshi Zlatan Ibrahimovic sezonin e kaluar.

Real Madridi u pajtua ta lërë Diazin të luajë për Milanin një sezon.

Ai nuk ka vend në skuadrën e Zinedine Zidane, i cili i ka kërkuar të fitojë përvojë duke luajtur diku tjetër. /Gazeta Express/

📽 #Milan, visite mediche per #BrahimDiaz pic.twitter.com/XQbpUhaeXe

— TUTTOmercatoWEB (@TuttoMercatoWeb) September 3, 2020