Një person ka raportuar në policinë e Pejës se ka gjetur një mjet shpërthyes në fshatin Rekë e Allagës në Rugovë

Rasti ka ndodhur mesditën e së shtunës, njofton policia në raportin 24 orësh.

“Ankuesi mashkull kosovar ka raportuar se deri sa ishte duke ecur, në një përrua pylli ka hasur në një mjet të dyshuar shpërthyes”, bën të ditur policia.

Policia njofton se në vendin e ngjarjes kanë dalë njësiti policor dhe ai për deminim ku këta të fundit kanë bërë shpërthimin e mjetit në mënyrë të kontrolluar.