Kryetari Imri Ahmeti ka shkruar se sot në Seancën e jashtëzakonshme të Kuvendit të Komunës është aprovuar fondi shtesë prej 130.000,00 Euro për subvencionimin e bujqëve dhe fermerëve. Do të subvencionohen dëmet nga fatkeqësit natyrore dhe dëmet nga ndikimi i pandemisë për prodhuesit e perimtarisë. Gjithashtu është shtuar fondi për dyfishimin e përfituesëve për sera dhe motokultivator.

Sipas tij, subvencionet për sport, rini dhe kulturë janë dyfishuar me qëllim të mbështetjes së aktiviteteve të klubeve dhe OJQ-ve rinore.
“Kuvendi Komunal njëzëri ka aprovuar edhe shtimin e mjeteve buxhetore për Arsim dhe Shëndetësi me çka synojmë të furnizojmë dhe të rrisim cilësinë e shërbimeve në shëndetësi dhe krijimin e kushteve më të mira në shkollat e Komunës tonë. Është aprovuar edhe propozimi për ndërtimin e shkollës të mesme në Gadime e cila pritet të filloj këtë vit. Dua të falenderoj të gjithë delegatët e Kuvendit Komunal për aprovimin e këtyre propozimeve”, ka shkruar Ahmeti