Organizata Human Opportunities, Participation and Engagement – HopeLipjan organizoi konferencen “Rinia Kosovare në Ditën e Rinisë”, në të cilën u diskutua për rrugëtimin e rinisë përgjatë këtyre viteve, barrierat dhe problemet e tyre që i preokupojnë dhe për angazhimin e të rinjve në shoqëri.

Për shkak të kushteve pandemike dhe rekomandimeve të Institutit Kombëtar për Shëndetësi Publike, konferenca u organizua në kushte normal vetëm për panelistët e cila u mbajt në International Maarif Schools në Lipjan dhe e cila u transmetua direkt në rrjetet sociale.
Pjesë e panelit diskutues ishin; Zevendësministri i Kulturës, Rinisë dhe Sportit z. Arbër Grabovci, Koordinatorja për rini në UNMIK znj. Jana Minochkina, Drejtori Ekzekutiv i Organizatës HopeLipjan z. Rinor Murati, Përfaqësuesi i organizatës TOKA z. Avdi Azemi, Përfaqësuesi i organizatës Ëorld Vision Kosovo z. Vehbi Kllokoqi dhe Shqiponjë Bresa – vullnetare.