Amir Abrashi dhe skuadra e tij Freiburg e kanë humbur pozitën e parë në tabelë në Bundesliga 2.
Në ndeshjen mes Freiburgut dhe Eintracht Braunschweig, skuadra e mesfushorit shqiptar ka barazuar me rezultat 2-2.
Ishin vendasit ata që krijuan epërsi të dyfishtë në këtë sfidë falë golave nga Vincenzo Grifo dhe Nils Petersen.
Mesfushori 25-vjeçar i Kombëtares shqiptare kishte një rast të mirë shënimi në minutën e 42-të, mirëpo gjuajtja e tij u ndal nga portieri mysafir.
Në pjesën e dytë mysafirët u rikthyen në lojë për të barazuar në 2-2, dhe për t’ia humbur pozitën e parë Freiburgut.
Pas 13 javëve në Bundesliga 2, Freiburg zë pozitën e dytë me 25 pikë të tubuara një më pak se lideri Red Bull Leipzig. /Telegrafi/
