Zëvendëspresidenti i UEFA-s, Michele Uva, e ka konfirmuar se shtëpia e futbollit evropian po përgatitje për zgjidhje alternative për zhvillimin e ndeshjes mes Barcelonës dhe Napolit në rast se rastet me Covid-19 në Barcelonë vazhdojnë të shtohen.
Ndeshja e parë e 1/8 të finales së Ligës së Kampionëve mes Barcelonës dhe Napolit, që u zhvillua në shkurt në San Paolo, përfundoi me rezultat 1:1. Ndërsa, garat u ndërprenë para se të mundë të zhvillohej ndeshja kthyese, transmeton Gazeta Express.
Ndeshja kthyese tani është planifikuar të zhvillohet më 8 gusht në Camp Nou, prapa dyerve të mbyllura. Mirëpo, rastet me Covid-19 kanë pësuar ngritje në Barcelonë gjatë kohës së fundit, të enjten duke i shënuar 1300 raste të reja.
“Napoli do të luajë në Barcelonë, përveç nëse ndërkohë merret ndonjë vendim për t’i ndërprerë ndeshjet e futbollit në Spanjë”, ka thënë Uva.
“Ne shpresojmë që kjo nuk do të ndodhë, në mënyrë që ndeshjet kthyese të zhvillohen në shtëpitë e klubeve. Natyrisht, ne kemi alternativa”.
Fazat e ardhshme të Ligës së Kampionëve, nga çerekfinalet, do të zhvillohen të gjitha në Lisbonë dhe nuk do të ketë ndeshje kthyese. /Gazeta Express/
