Aktorja, trupi të cilës u gjet i pajetë kishte arritur të shpëtojë vetëm të birin e saj.

U shpall e humbur me 8 korrik, kur autoritetet në Kaliforni filluan kërkimin për aktoren e njohur Naya Rivera.

Rivera kishte marrë me qera një anije në liqenin Piru së bashku me djalin e saj, por pasiqë anija nuk u kthye filloi kërkimi ku fillimisht u gjet vetëm djali i saj 4 vjeçar.

Naya Rivera përdori forcën e fundit për të shpëtuar djalin e saj 4-vjeçar para se të vdiste, tha Sherifi i Qarkut Ventura Bill Ayub.

“Ajo kishte energji të mjaftueshme për ta kthyer djalin e saj përsëri në barkë, por jo aq sa të shpëtonte veten,” tha Eyub.

Autoritetet kanë zbuluar se ndërsa ata kurrë nuk mund ta dinë vërtet se çfarë ndodhi javën e kaluar kur ajo u zhduk, ata besojnë se kanë informacion të mjaftueshëm për ta thirrur atë një hero.

Ventura Bill Ayub tha: “Nga ajo sa kemi folur me djalin e saj, kuptuam se ai dhe Naya notuan në liqen së bashku në një moment gjatë udhëtimit të tyre me barkë. Ishte gjatë asaj kohe që djali i saj përshkroi se u ndihmua në barkë nga Naya, e cila e ngriti në kuvertë nga pas.”

“Ai u tha hetuesve se ai shikoi prapa dhe pa që ajo të zhdukej nën sipërfaqen e ujit”./Gazeta Express/