Chelsea e ka kompletuar transferimin e Timo Wernerit nga RB Leipzig, i cili do t’iu nënshtrohet testeve mjekësore në ditët në vijim.

Sulmuesi i Gjermanisë është pajtuar për kontratë me kohëzgjatje pesëvjeçare me klubin nga Premierliga dhe është bërë blerja e dytë e Chelsean këtë verë, pas Hakim Ziyech, transmeton Gazeta Express.

Lajmi u bë i ditur nga vetë Chelsea përmes një postimi në rrjetet sociale.

Chelsea është pajtuar t’ia paguajë klubit gjerman plot 50 milionë euro, aq sa kërkohej në klauzolën e lirimit të Wernerit.

Werner do t’i fitojë plot 10 milionë euro në vit në Angli.

Werner i ka bërë 157 paraqitje për RB Leipzig, duke i shënuar 93 gola dhe duke i dhënë 40 asiste. /Gazeta Express/