Futbollisti shqiptar, Shkëlzen Gashi, është takuar me ikonën e tenisit, Roger Federer.

Dy sportistët kanë bërë edhe fotografi të përbashkët, të cilën mesfushori i Baselit e ka postuar në rrjetet sociale.

Në postimin e tij në Instagtram, futbollisti shqiptar e ka quajtur moment të shkëlqyer ritakimin me tenistin zviceran, të cilit i ka uruar fat në turneun e javës së ardhshme.

Kujtojmë që Gashi ishte lojtari më i mirë në Zvicër në vitin e kaluar, njëherësh ai i ndihmoi Shqipërisë që të kualifikohej në ‘Euro 2016’. /Telegrafi/