Kapiteni i Bayern Munihut, Philipp Lahm ka thënë se dëshiron që trajneri Pep Guardiola të mbetet në krye të skuadrës edhe në vitin e ardhshëm.

Lahm ishte pjesë e skuadrës Bayern në fitoren ndaj ndaj Këlnit (4:0) të shtunën për fitoren e 10 në po aq ndeshje në Bundesligë, duke shkruar histori, sepse “bavarezët” arrin fitoren e 1000 në Bundesligën gjermane.

E ardhmja e Guardiolës mbetet e pasigurt dhe me spekulime përreth tij.

Por Lahm tha se lojtarët e Bayernit dëshirojnë që spanjolli të qëndrojë në “Alianz Arena”.

“Opinioni i ekipit është i qartë. Ne gëzohemi duke punuar së bashku me trajnerin tonë dhe ai është një menaxher i shquar”, ka thënë Lahm. /Telegrafi/