Anëtari i Kryesisë së LDK-së, Imri Ahmeti, ka thënë se procesi i djeshëm i votimit të Qeverisë nuk kishte se si të ndodhte ndryshe.

“Ka qenë proces i domosdoshëm që ka ndodhur dhe nuk do të mund të rrugëtohej ndryshe”, është shprehur Ahmeti, njofton Klan Kosova.

“Në këtë momentum aktual Kryeministri Hoti do të forcojë mundësitë e reja të shoqërisë për zhvillim ekonomik”.

“Kam bindjen se me këtë do të plotësohen standardet dhe kriteret e reja”.

Komuna e Lipjanit të cilën e drejton Ahmeti është një prej komunave që ka arritur të menaxhojë më së miri me koronavirusin dhe për këtë ai ka folur sonte në Edicionin Special në Klan Kosova.