Bayern Munichu ka fituar me rezultat 4-0 kundër Kolnit, duke vazhduar ecurinë e mirë këtë sezon në Bundesliga.

Goli i parë erdhi nga Arjen Robben (35’) dhe pas pesë minutash shënoi edhe Arturo Vidal, pas një asistimi nga Kingsley Coman dhe kështu u mbyll dhe pjesa e parë.

Dominimi vazhdoi edhe në pjesën e dytë, por goli erdhi në minutën e 62-të nga sulmuesi polak, Robert Lewandowski.

Goli i fundit u shënua nga Thomas Muller nga pika e bardhë dhe kështu Bayerni gëzoi fitoren e dhjetë këtë sezon.

Bayerni vazhdon të qëndrojë në pozitën e parë me 30 pikë, dhjetë më shumë se Dortmundi që është në vendin e dytë. Kurse Kolni mbetet në pozitën e tetë me 14 pikë. /Telegrafi/