E përditësuar
Raporti 24 orësh nga Policia Kosovës,
Lipjan13.05.2020 – 18:44. Është raportuar se i dyshuari mashkull kosovar ka plagosur me armë zjarri dy persona meshkuj kosovar, nuk dihet ende motivi i rastit. Të lënduarit janë dërguar në QKUK për tretman mjekësor. Policia ka arrestuar të dyshuarin mashkull kosovar i cili me urdhër të prokurorit është dërguar në mbajtje. Po ashtu është konfiskuar arma model TP9SF Elite cal.9mm.
Janë intervistuar edhe te lënduar në cilësinë e të dyshuarve dhe pas intervistimit janë liruar në procedurë të rregullt
——————————————————————————————————————————————————————————————-
Dy persona janë plagosur me armë zjarri në fshatin Smallushë të komunës së Lipjanit.
Ngjarja ka ndodhur në mbrëmje, Policia e Kosovës ka marrë informatë në ora 18:44.
Lajmin për Gazetën Express e ka konfirmuar Bajram Krasniqi nga Policia e Kosovës.
Personat e plagosur janë transportuar për në QKUK.
Njësitet policore aktualisht janë duke u marrë me rastin.
“Sot, rreth orës 18:44 kemi marr informatë se në fsh. Smallushë të Lipijanit, ka ndodhur një rast plagosje me armë zjarri. Njësitet policore i janë përgjigjur thirrjes, në vend ngjarje kanë hasur dy persona të lënduar në këmbë, të njëjtit janë transportuar për në QKUK-në. Njësitet relevante policore janë duke bërë kqyrjen e vendit të ngjarjes”, konfirmon Krasniqi për Express.
