Klubi anglez, Chelsea seriozisht është duke menduar për pasuesin e Jose Mourinhos.

Për shkak të fillimit të dobët të Chelseat në këtë sezon të garave, është në dyshim e ardhmja e tekniku portugez.

Sipas mediave britanike, pronari i klubit nga “Stamford Bridge”, Roman Abramovich tashmë është duke menduar për zëvendësuesin e Mourinhos.

I pari i “Bluve” të Londrës ia ka mësyrë trajnerit të Bayern Munich, Pep Guardiolas, i cili duket se në fund të këtij sezoni do të largohet nga “Alianz Arena”.

Siç raportojnë mediat në ishull, Abramovich më zë të lartë kërkon që Guardiola të jetë zëvendësues i Mourinhos, edhe pse ky i fundit me Chelsean ka kontratë deri në vitin 2019.

Ish-trajneri i Barcelonës kërkohet edhe nga Manchester City e PSG-ja. /Telegrafi/