Përtej gabimit të mesjavës në Londër, kundër Arsenalit, Manuel Neuer mbetet një prej portierëve më të mirë në botë, për të mos thënë më i miri.

I njohur për pritjet e tij spektakolare, portieri i Bayernit është i mirë edhe në lojën me këmbë, ndërkohë që shpesh vepron si mbrojtës, duke dalë nga zona e tij për të ndihmuar skuadrën.

Duke folur për “France Football”, portieri gjerman zbulon se cilin portier ka si pikë referimi dhe frymëzimi.

“Është Van der Sar, ai që ka bërë i pari atë që bëj unë tani. Ai luante shumë me këmbë dhe lëvizte shumë në zonë, ndaj jam frymëzuar prej tij. Më ka pëlqyer gjithnjë edhe filozofia e Ajaxit, kam parë shumë ndeshje të asaj skuadre”, ka thënë Neuer.

Neuer i ka ndihmuar shumë edhe Gjermanisë me këtë strategji. /Telegrafi/