Njohës të çështjeve të sigurisë thonë se derisa në Kosovë ka vakum institucional, serbët po e shfrytëzojnë këtë për të prezantuar projekte për ndërtime të shesheve në veri të Mitrovicës.

Tani po qarkullojnë ide për ridizajnimin e urës së Ibrit, ndërsa kjo do të jetë temë diskutimi në bisedimet e 22 korrikut ndërmjet Kosovës dhe Serbisë, raporton RTK.

Sipas këtij projekti, parashihet edhe ndërtimi i dy urave të tjera, që do ta ndanin pjesën veriore prej asaj jugore.

Serbët kanë filluar të ndërtojnë sheshe, si ai i “Car Lazarit”, që nënkupton se ura e Ibrit do të përdoret vetëm për kalim të këmbësorëve.

Përfaqësues të institucioneve të Kosovës, këto ide i cilësojnë si ide që vijnë nga Serbia.