Ministria e Shëndetësisë duke respektuar dispozitat ligjore dhe frymën e Aktgjykimit të Gjykatës Kushtetuese, në bazë të rekomandimeve të IKShPK-së, do të marrë masat e paralajmëruara me vendime të veçanta për secilën komunë.

Sot, nga data 15 prill, ora 06:00, me qëllim të mbrojtjes së jetës së banorëve në komunat e Republikës së Kosovës me vendime të veçanta, hyjnë në fuqi masat e reja të qarkullimit.

Vendimet merren specifikisht për komunat e rrezikuara dhe për komunat e karantinuara. Këto masa kanë për qëllimi “parandalimin, luftimin dhe eliminimin e sëmundjes ngjitëse COVID-19”.

Ministrja e Drejtësisë, Albulena Haxhiu, ka publikuar edhe intervalet e lejimit të lëvizjes.