Policia Kosovës ka njoftuar se në fshatin Sllovi, Llugagji dhe në Lipjan janë arrestuar persona pasi që kanë vepruar kundër vendimit të Qeverisë së Kosovës lidhur me virusin Covid-19.

Raporti nga Policia Kosovës, transmeton LipjaniNews:

Rr. Lidhja e Prizrenit, Lipjan, 10.04.2020 – 08:30. Është raportuar se i dyshuari mashkull  kosovar duke mos respektuar masat e ndërmarra për mbrojtje nga epidemia, është takuar duke shërbyer kafe përmes dritares së lokalit të tij.

I njëjti është intervistuar dhe me venim të prokurorit është liruar në procedurë të rregullt.

Lipjan 10.04.2020 – 12:45. Njësiti policor ka vërejtur se i dyshuari mashkull  kosovar ishte  duke punuar në lokalin e tij duke mos respektuar masat e ndërmarra për mbrojtje nga epidemia.

I njëjti është shoqëruar në stacion policor dhe pas procedurave të rastit është liruar në procedurë të rregullt.

Fsh. Llugaxhi, Lipjan 10.04.2020-13:00. Njësiti policor ka vërejtur se i dyshuari mashkull  kosovar është duke punuar në restorantin që gjendet në pompën e derivateve.

I njëjti është arrestuar dhe shoqëruar në stacion policor pasi që nuk ka respektuar masat e ndërmarra për mbrojtje nga epidemia.

Pas procedurave të rastit është liruar në procedurë të rregullt.

Fsh. Sllovi, Lipjan 10.04.2020-15:00. Njësiti policor ka vërejtur se i dyshuari mashkull  kosovar ishte  duke punuar në lokalin e tij duke mos respektuar masat e ndërmarra për mbrojtje nga epidemia.

I njëjti është shoqëruar në stacion policor dhe pas procedurave të rastit është liruar në procedurë të rregullt.

/LipjaniNews/