Naser Aliji është shndërruar në njërin prej mbrojtësve më të rëndësishëm të klubit zviceran, Basel, që prej kur u kthye në këtë skuadër.
Mbrojtësi i Kombëtares shqiptare, ka qenë në fushë nga minuta e parë në fitoren që Baseli e arriti nga udhëtimi i vështirë te Sioni 2-0.
Aliji në këtë takim ka qëndruar në fushë për gjatë 90 minutave duke shfaqur vlerat e tij në fushë.
Në këtë ndeshje u aktivizua edhe Shkëlzen Gashi në minutën e 70, për t’u ndëshkuar me karton të verdhë nëntë minuta më vonë.
Xhaka ishte i suspenduar për këtë takim dhe nuk luajti, ndërsa në bankën rezervë ishte Albian Ajeti. /Telegrafi/
