Kryetari i Kamenicës, Qëndron Kastrati thotë se 21 familje me 133 persona janë vendosur në karantinë në këtë komunë.

Kastrati për RTV Dukagjinin thotë se për këta persona sigurohet ushqimi ditorë dhe shërbimet mjekësore në mënyrë që të njëjtit të mos kenë nevojë për të dalë nga shtëpia.

Kastrati thotë se sot në Komunën e Kamenicës janë testuar 12 punëtorë shëndetësorë që janë përkujdesur për qytetarët e prekur me COVID-19 si dhe 22 qytetarë.

“Presim rezultatet e tyre, pavarësisht se nuk e dimë kur dalin”, tha ai, përcjell Telegrafi.

Kastrati thotë se momentalisht në Kamenicë janë të identifikuar 12 persona të prekur nga COVID-19, por shton se numri i tyre mund të jetë më i madh.

“Ka persona të prekur që nuk kanë simptoma e të tjerë që kanë simptoma. Numri duhet të jetë më i madh prandaj duhet pasur kujdes”.

Kryetari i Kamenicës tregon se nga kjo komunë vetëm tre pacientë janë të shtrirë në Klinikën Infektive ndërsa të tjerët janë në vet izolim shtëpiak./Telegrafi/