Anësori i Arsenalit, The Walcott beson se ekipi i tij mund ta mposhtë Bayern Munichun, nëse luajnë në të njëjtin nivel si në fitoren prej 3-0 kundër Manchester Unitedit.
“Të luash kundër Bayernit, me atë kualitet që kanë ata gjithmonë është sfiduese, por ne jemi në shtëpi dhe kemi mbështetjen e fansave, por duhet të bëjmë një performancë të ngjashme si kundër Unitedit. E dimë se mund ta mposhtim çdokënd dhe do të jemi gati ta bëjmë një gjë të tillë”, ka thënë Walcott, raporton Goal.
Këto komente anglezi i bëri në prag të sfidës që zhvillohet të martën në Ligën e Kampionëve kundër Bayernit në Emirates, transmeton Koha.
Ekipi i Arsene Wenger është në kërkim të pikëve të para në fazën e grupeve në Ligën e Kampionëve, pasi nga dy ndeshjet e para nuk ka arritur të marrë asnjë pikë të vetme. /Telegrafi/