Kryetari Komunës së Lipjanit, Imri Ahmeti sot gjatë ditës ka qëndruar në Janjevë ku ka përcjellur nga afër shpërndarjen e ndihmave për banorët e Janjevës.
Komuna e Lipjanit, sot ka shpërndarë miell, pako ushqimore dhe higjenike kështu duke dal në ndihmë banorëve të cilët kanë nevojë, kjo pas situatës së krijuar nga pandemia Covid-19, transmeton LipjaniNews
I pari i Komunës së Lipjanit, Kryetari Ahmeti ka vizituar edhe QMF në Janjevë ku ka biseduar me stafin mjekësor rreth Coronavirusit, duke falënderuar për angazhimin e tyre të vazhdueshëm.
Kryetari Ahmeti po ashtu ka qëndruar edhe tek familja Kelmendi në Janjevë ku ka bashkëbiseduar me familjen e personit të infektuar me Covid-19, ku po ashtu është furnizuar me barnat e nevojshme që ka përdorur për terapinë e rregullt.
Ai po ashtu ka falënderuar edhe Policin e Kosovës për gatishmërinë e tyre për të ndal në ndihmë të gjithë atyre që kanë nevojë.
Ndihma do të shpërndahen në të gjitha lokalitetet e Komunës së Lipjanit, të gjitha atyre që kanë nevojë.
