Kryetari Komunës së Lipjani, Imri Ahmeti përmes rrjetit social facebook ka shkruar dhe ka bërë thirrje që mos të bëhet panikë rreth virusit corona.
Ahmeti ka thënë se sot kanë marr vendim për themelimin e një komisioni Ad-Hoc që ka të bëjë me parandalimin e COVID-19 (Coronavirus) që ka përfshirë një pjesë të madhe të botës
Postimi i plotë:
PA PANIKË POR ME MASA PREVENTIVE!
Sot kemi marr vendim për themelimin e një komisioni Ad-Hoc që ka të bëjë me parandalimin e COVID-19 (Coronavirus) që ka përfshirë një pjesë të madhe të botës.
Po ashtu, kemi udhëzuar drejtorit përkatëse që të mos lëshojnë ndonjë pëlqim për tubime të ndryshme nëpër sheshet e qytetit.
Më poshtë gjeni disa nga masat preventive që janë ndërmarrë nga Komuna e Lipjanit
– Të procedohet urgjent me masat e dezinfektimit te vendeve publike, shkollave, sallave sportive, bus stacioneve dhe QKMF,QMF dhe AMF, objekteve fetare dhe vendeve tjera publike sipas kerkeses se komisionit.
– Urdhërohen kompanitë e transportit publik per ndermarrjen e masave per dezinfektimin e automjeteve per transport publik.
– QKMF te pajiset me te gjitha mjetet e udhezuara nga Instituti Kombëtar i Shëndetsisë. Pergjegjës DSHPS
– Të ndalohen me vendim deri në një vendim-marrje tjeter tubimet publike, si ndeshjet sportive( pa publik), aktivitetet tjera kulturore e sportive.
– Të shpërndahen Udhezimet edhe fizike edhe elektronike në të gjitha rrjetet sociale zyrtare dhe lokale për mbrojtje preventive ndaj Covidit-19.
– Bizneset hoteliere, kafiterit, restorantet, qebaptore, ëmbëltore (të gjitha bizneset e hotelierisë) të kufizohen dhe njoftohen me vendim nga Inspektorati që mund te punojnë deri ne ora 23:00.
– Urdhërohen te gjitha drejtoritë komunale te pezullojnë takimet me palë perveq takimve qe vlersohen te natyres urgjente.
– Urdhërohen drejtoritë përkatëse që të mos lëshojnë leje apo pëlqime për tubime, evenimente apo promovime të tjera publike.
– Ligji i duhanit të respektohet strikt në të gjitha ambienet publike.
– Udherohen të gjitha institucionet publike të pajisen me dezinfektues për duar në hyrje të objekteve publike.
– Urdhërohen te gjitha bizneset te pajisen me dezinfektues per duar ne hyrje te objekteve te biznesit.
– Inspektorati komunal të mbikqyr çmimet në treg të produkteve ushqimore dhe produkteve tjera.
– Të kërkohet nga qytetaret ti shmangen tubimeve publike dhe daljeve në ambiente të frekuentura. Pa panikë por me qëllime të masave preventive qytetarët dhe bizneseve të përfillin rekomandimet e Ministrisë së Shëndetsisë dhe Institutit Kombëtar të shendetsisë.
