Në një takim konsultativ të oganizuar nga Komuna e Lipjanit, të mërkurën, në ambientin e restorant “ Centrum” në Lipjan, në një tryezë të përbashkët me grupet e interesit, u zhvilluan punimet konsultative, në lidhje me hartimin e Planit të Veprimit për Përmbushjen e Transparencës në Komunën e Lipjanit.
Në këtë rast, Drejtori i Administratës, Fauz Xhemajli dhe njëherit, kryetar i komisionit për hartimin e Planit të Veprimit për Përmbushjen e Transparencës në Komunë, ka thënë se ky dokument po krijon një hapësirë më të madhe për komunikim të rregullt, në mes të institucioneve komunale, shoqërisë civile, dhe qytetarëve të komunës së Lipjanit.
Kryesuesja e Kuvendit, Vlora Limani – Hajnuni, e ka vlerësuar mjaft të rëndësishme, hartimin e Planit të Veprimit për Përmbushjen e Transparencës në Komunë, në të njejtën kohë ajo ka ftuar gjithë shoqërinë civile dhe grupet e tjera të interesit të kontribojnë në këtë Plan.
Diskutuesit gjatë këtij takimi, theksuan si të rëndësishme nevojën e një televizioni lokal, me qëllim të informimit të qytetarëve për aktivitetet e Komunës, dhe afërsinë e tyre gjatë procesit të vendimmarrjes, thuhet në njoftim.