urneu Masters i Shangait në tenis ka nisur me një surprizë, siç është ajo e eliminimit të nr.3 në botë, zviceranit Roger Federer.

Kampioni ende në fuqi i këtij turneu është mundur sot në raundin e parë nga spanjollit Albert Ramos-Vinolas, numri 70 në botë. Një eliminim që ka befasuar të gjithë, teksa Federer është mundur me shifrat 2-1, në një ndeshje që ka zgjatur mbi dy orë.

Federer u mund 7-6 setin e parë, duke vuajtur shumë dhe u detyrua të hapte krahun në “tie break”. Por zvicerani tregon epërsi në setin e dytë, duke u shkëputur që në fillim dhe fiton me lehtësi 6-2. Ritmi i lojës së tenistit zviceran bie ndjeshëm në setin e tretë, që i kushton atij shumë, duke u mundur 6-3 dhe eliminohet shumë shpejt nga turneu Masters i Shangait.

Roger Federer bëri shumë gabime në këtë ndeshje, plot 30, që i kushtuan atij fitoren, duke u eliminuar që në raundin e parë. Zvicerani, fitues i 17 grand slemeve, do të nisë përgatitjet për turneun “Championship” që zhvillohet në fund të tetorit në Singapor, teksa këtë sezon ka humbur edhe dy finale të grand slemit të Wimbledon dhe US Open. /Telegrafi/