Andrea Ranocchia mund të largohet në drejtim të Anglisë, pasi te Interi nuk është duke u përfillur fare.
Në fund të verës u fol shumë për një transferim të Ranocchias te Milani, sigurisht nëse nga skuadra kuqezi do të largohej Philipe Mexes.
Mbrojtësi francez nuk lëvizi nga Milani, e po ashtu edhe futbollisti italian nuk ndryshoi ambient.
Gjatë ditëve të fundit të afatit kalimtar verore, Ranocchia përveçse se kishte humbur vendin në formacion, kishte humbur edhe shiritin e kapitenit.
Mbrojtësi italian ka humbur besimin e klubit dhe të trajnerit ndërsa ndaj Fiorentinas u fut në lojë vetëm kur doli me karton te kuq, Joao Miranda.
Për mbrojtësin e Interit ka interesim nga Anglia, pikërisht nga Evertoni dhe Tottenhami dhe lojtari mund të lëvizje që në janar. /Telegrafi/
