Sulmuesi i Interit, Mauro Icardi, ka analizuar shkurtimisht disfatën e thellë kundër Fiorentinas në shtëpi.

E diela në Giuseppe Meazza mbetet një natë që duhet harruar nga Nerazzurrët, pasi Viola arriti të fitojë me rezultat 1-4 dhe kështu rrëmbeu dhe primatin në Serie A.

“Ndeshja shkoi keq që nga fillimi. Penaltia në minutën e dytë, pastaj kartoni i kuq i Mirandas ishte pika që thelloi dështimin tonë dhe më shumë. Ne kemi filluar me 3-5-2 dhe kemi bërë shumë mirë, por episodet na penalizuan”.

“Kur luan kundër një superioriteti numerik nuk është aspak e lehtë, pasi duhet të sakrifikosh shumë më shumë. Gjithsesi, këtë javë ne do të vazhdojmë të punojmë, pasi duhet të lëmë pas të kaluarën dhe të shikojmë nga e ardhmja”.

”Scudetto? Synimi i këtij grupi është të arrijë sa më lartë, për këtë edhe është investuar shumë gjatë verës. Interi meriton të jetë në krye”, ka thënë Icardi për Rai Sport. /Telegrafi/