Barcelona ka rimarrë kreun e tabelës pas fitores prej 2-1 përballë Las Palmas në Camp Nou.

Fillimi i ndeshjes u përshkua me lëndimin e futbollistit kryesor të katalunasve, Lionel Messi, i cili e lëshoi fushën vetëm pas dhjetë minutash.

Harkimin e Sergi Robertos nga e djathta e priti në zonë Luis Suarez për golin e parë të vendasve (25’).

Në gjysmën e dytë, Suarez shënoi një gol mjaft të bukur pas asistimit të El Haddadit (54’).

Neymar dështoi të realizonte nga pika e bardhë (67’), kurse mysafirët arritën të shënojnë në portën e Barcës, përmes Jonathan Vieras (88’).

Barcelona ka dy pikë më shumë se Real Madridi që këtë javë luan kundër Malagas. /Telegrafi/