Artistja e njohur ndërkombëtare, Bebe Rexha vizitoi këtë të hënë Shqipërinë në kuadër të dhurimit të donacioneve për familjet e prekura nga tërmeti.

Ndërkaq, Bebe dha intervistën e saj të parë në Shqipëri në emisionin “Lart e Poshtë” të Eraldo Rexhos, me gazetarin Andi Vrapi.

Rrugës për në aeroport, Bebe iu është përgjigjur të gjitha pyetjeve që gazetari kishtepër të.

Gjatë bisedës, krijuesja e hitit “Monster” ka premtuar  që do të rikthehet në Shqipëri për të parë se si po ecën ndërtimi i shtëpive për të prekurit e tërmetit.

“Do të rikthehem sërish. Ky është qëllimi im! Unë dua të kthehem pasi ato janë rindërtuar, por ato mund të marrin rreth 4-5 muaj për t’u rindërtuar! Unë do të kthehem në pranverë për t’i vizituar sërish”, – u shpreh Bebe Rexha.