Këshilli komunal për mbrojtje të viktimave të dhunës në familje dhe baza gjinore me qëllim të sensibilizimit kundër dhunës, ka filluar aktivitetet në disa shkolla të Komunë së Lipjanit, në kuadër të aktiviteteve për 16 ditët e solidarizimit me viktimat e dhunës në familje dhe baza gjinore, njofton Komuna.

Këtë vit me përkrahje edhe nga OSBE, aktivitetet janë duke u zhvilluar në shkolla dhe gjatë këtyre takimeve me nxënës është prezantuar shfaqja teatrale “Qfarë faji kam unë”, përgatitur nga nxënësit e shkolles “Ibrahim Banushi” – Shalë, pastaj takimet kanë vazhduar me diskutime dhe prezantime nga panelistët, përfaqësues nga institucionet përgjegjëse.

Aktivitete të tilla do të realizohen edhe ditëve në vazhdim.