Qendërmbrojtësi i Liverpoolit, Virgil van Dijk, thotë se tashmë ndihet fitues pasi është i nominuar në listën e ngushtë për Topin e Artë 2019.

Fituesi i çmimit më prestigjioz për lojtarin më të mirë në botë do të shpallet sot në një ceremoni madhështore në Paris, transmeton Gazeta Express.

Sulmuesi i Barcelonës dhe Argjentinës, Lionel Messi, është favorit për ta fituar këtë çmim për herën e gjashtë rekorde, por pritet garë e fortë nga Van Dijk.

Van Dijk, njeriu më meritor në triumfin e Liverpoolit në Ligën e Kampionëve sezonin e kaluar dhe Lojtari më i Mirë i UEFA-s, doli i dyti pas Messit në votimin për Lojtarin më të Mirë të FIFA-s në shtator.

“Do të jem atje për një arsye dhe nuk ka humbës në këtë mbrëmje. Jam shumë i lumtur që jam në një thes me ta; që jam atje për shkak të mënyrën sesi kam luajtura për ekipin e po ashtu për vendin tim vitin e kaluar”, tha Van Dijk.

“Është diçka që të bën krenar sepse jo shumë lojtarë ia dalin. Do ta kemi një fitues por jo humbës. Do ta shohim se çfarë ndodh”, shtoi ai. /Gazeta Express/