Doktoresha e Chelseat, Eva Carneiro, ka vendosur të largohet nga klubi, gjashtë javë pas kritikave të trajnerit Jose Mourinho.
42-vjeçarja ishte ulur në pozitë pas deklaratave të portugezit se stafi mjekësor i Bluve ishte naiv në trajtimin e Eden Hazard në barazimin (2-2) ndaj Swanseas më 8 gusht.
Klubi i kishte kërkuar Carneiros të kthehej në punë, por ajo ka vendosur të mos e bëjë këtë dhe është duke menduar të ngrejë padi.
Federata Angleze e Futbollit është duke e shqyrtuar një ankesë se Mourinho ka përdorur fjalor abuziv dhe gjinor kundrejt saj.
Nga Chelsea thonë se nuk i komentojnë çështjet e brendshme të klubit. /Telegrafi/
