Apeli i Arsenalit kundër kartonit të kuq të Gabriel Paulistas në ndeshjen e të shtunës kundër Chelseat ka rezultuar i suksesshëm.

Mbrojtësi 25-vjeçar u përjashtua nga arbitri Mike Dean për sjellje të dhunshme pas një përplasjeje me Diego Costan, në ndeshjen të cilën Blutë e fituan me rezultat 2-0.

Pranimi i apelit nënkupton se braziliani nuk do të suspendohet me tri ndeshje.

Megjithatë, Federata Angleze e futbollit e ngarkon atë për sjellje të pahijshme pasi refuzoi të largohej nga fusha kur u përjashtua.

Në ndërkohë, Costa është akuzuar për sjellje të dhunshme për shkak të përplasjes me mbrojtësin e Arsenalit, Laurent Koscielny. /Telegrafi/