Avokati i familjes Dehari, Tomë Gashi ka reaguar pas vendimit që lënda për rastin Dehari të kalojë në Prokurorinë Speciale të Kosovës.
Gashi ka thënë se ngadalë të gjithë ata që kanë të përfshirë në rastin Dehari, do të ndiqen penalisht.
“Rasti më nuk është në Prokurorinë e Prizrenit dhe as hetuesit që e ndryshuan qëllimisht kahjen e hetimit nuk do të kenë më qasje në lëndën e aktivistit të Lëvizjes së Vetëvendosjes që u vra për arsye politike”, ka shkruar Gashi në Facebook.
Ndërkaq, sot nga Zyra e Kryeprokurorit të Shteti kanë bërë të ditur se hetimet për rastin Dehari, ish-aktivistin e VV-së që ndërroi jetë tre vjet më parë në Qendrën e paraburgimit në Prizren do të zhvillohen në Prokurorinë Speciale të Kosovës./Indeksonline/