Mesfushori i Juventusit, Roberto Pereyra, pranoni se Interi dhe Roma janë klubet më të forta momentalisht, por ky është vetë fillimi dhe ka shumë deri në fund.

Bianconerët më në fund fituan ndeshjen e parë këtë sezon kundër Genoas, por edhe me këtë fitore ata janë tetë pikë larg vendit të parë.

“Interi është duke bërë shumë mirë, ata janë në krye të të tabelës. Pastaj edhe Roma është duke luajtur mirë, por ne do të shohim se çka do të sjell fundi”

”Ky është vetëm fillimi dhe në klubin tonë ende ka dëshirë për të fituar dhe për të përfunduar mbi të gjithë”, ka thënë Pereyra për Sky.

Zonja e Vjetër ka katër pikë në këtë sezon dhe aktualisht gjendet në vendin e 13. /Telegrafi/