(E plotësuar)
Policia e Kosovës për Gazetën Express ka thënë se trupi i pajetë që u gjet sot në Gadime dyshohet se është i 23-vjecarit, Shqipdon Aliu, që u zhduk para një jave.
Zëdhënësi i Policisë së Kosovës, Daut Hoxha, tregon se trupi i pajetë u gjet në një gropë para një ore.
“Me datën 21.10.2019 rreth orës 21:30, në fshatin Gadime e Ulët tè Lipjanit, saktësisht në një gropë (te gurthyesi i vjetër), është gjetur një trup i pajetë”, ka thënë Hoxha për Express.
Ai tutje tregon se ekipet e nevojshme policore janë në vendngjarje.
“Bazuar ne te dhenat fillestare dyshohet se behet fjale për personin e raportuar te zhdukur me datën 14 tetor. Kane qene informacionet e qytetareve ato qe kane ndihmuar policinë te gjejnë vendndodhjen e personit, për çka i falënderojmë dhe vlerësojmë bashkëpunimin e tyre me Policine e Kosovës”, ka thënë Hoxha. /Express/
(E plotësuar)
“Është gjetur një trup pajetë në fshatin Gadime e ultë në Lipjan, për identifikimin e trupit janë duku punuar ekipet përkatëse”, ka thënë zëdhënësi i Policisë së Kosovës, Daut Hoxha.
(E plotësuar)
Djaloshi nga qyteti i Lipjanit, Shqipdon Aliu që është i zhdukur për më shumë se një javë dyshohet se është gjetur më në fund.
Indeksonline përmes burimeve të saja mëson se trupi i Shqipdon Aliut është gjetur në fshatin Gadime.
