Kryetari i Lëvizjes Vetëvendosje, Albin Kurti, i shoqëruar nga përfaqësues e zyrtarë të kësaj partie të shtunën kanë qëndruar në Zym të Hasit me rastin e organizimit të manifestimit “Takimet e Gjeçovit”.
Kurti në fjalën e tij tha se At’ Shtjefën Gjeçovi ka bërë studime të kulturës sonë dhe ka grumbulluar thesarin e traditës shqiptare.
Njoftimi për vizitën u bë i ditur përmes një postimi në faqen zyrtare të VV-së.
Njoftimi i Lëvizjes Vetëvendosje:
Sot janë mbushur 90 vjet prej vrasjes së At’ Shtjefën Gjeçovit. Të shtunën, kryetari Albin Kurti bashkë me përfaqësues, zyrtarë e aktivistë të Lëvizjes VETËVENDOSJE! qëndroi në Zym të Hasit me rastin e organizimit të manifestimit “Takimet e Gjeçovit”.
Paraprakisht ata vizituan varrin e Shtjefën Gjeçovit në Shën Gjergj, restaurimi i të cilit u përurua.
Në fjalën e tij, kryetari Kurti, përveç tjerash, tha: “At’ Shtjefën Gjeçovi ka bërë studime të kulturës sonë dhe ka grumbulluar thesarin e traditës sonë. Duke përkujtuar atë, ne mund të ecim më sigurt dhe më mirë përpara.”