Mesfushori fantastik brazilian, Leite Kaka, ka lavdëruar edhe njëherë dy futbollistët më të mirë në botë, Lionel Messin dhe Cristiano Ronaldon.

Ish-anëtari i Real Madridit dhe Milanit, ka folur për dy super yjet e futbollit botëror dhe dominimin e tyre në sportin më të bukur në botë.

Kaka ka përmendur edhe kohën e tij te Reali, ku insiston se është tratuar shumë mirë.

“Jam i fundit nga raca njerëzore që e kam fituar Topin e Artë, që atëherë e kanë fituar Cristiano Ronaldo e Leo Messi dhe e them pa asnjë pikë dyshimi që ata janë alien, lojtar të pabesueshëm”, ka thënë Kaka.

“Jam Madrilen me zemër, jam shume i lumtur që nuk kam luajtur në shumë skuadra. Nuk jam trajtuar aspak keq nga Real Madridi, problemi ishin mediat dhe tifozët, fatkeqësisht nuk i kontrolloja dot dëmtimet e mija”.

“Gjithmonë do t’i jem mirënjohës Real Madridit për shansin që më dha”, ka shtuar më tej mesfushori brazilian. /Telegrafi/