Edhe këtë verë është folur për një rikthim të mundshëm të Kevin-Prince Boateng te Milani dhe për këtë foli edhe agjenti i lojtarit, Edoardo Crnjar.

Sipas agjentit e ardhmja e mesfushori ganez deri në janar është e qartë dhe e padiskutueshme, por ai nuk e eliminoi mundësin që 28-vjeçari të kthehet një ditë në Milano.

“Boateng është nën kontratë me Schalken 04 deri në janar dhe për këtë nuk mund të bëhet më asgjë. Pas janarit ne do të shohim mundësit, por deri atëherë është e kot të flasim për të ardhmen e klientit tim”.

“Milani? Dashuria për tij për Rossonerët është e njohur dhe e qartë për të gjithë, ai është tifoz i Milanit dhe këtë e ka përsëritur çdo herë”, ka thënë agjenti i lojtarit për MilanNews.it.

Ganezi ishte pjesë e Milanit për katër sezone dhe kishte realizuar 17 gola në 100 paraqitje. /Telegrafi/