Trajneri i Arsenalit e mbron Xhakën, përkundër “gabimeve”

PUBLIKUAR

Trajneri i Arsenalit, Unai Emery, e shfaqi mbështetjen e tij për Granit Xhakën, pasi mesfushori e shkaktoi një penallti të panevojshme në përballjen mes Arsenalit dhe Tottenhamit më herët në shtator.

Skuadra e Unai Emeryt kishte qenë duke humbur qysh pas dhjetë minutash lojë, falë një goli të Christian Eriksenit. Tottenhami e dyfishoi epërsinë 30 minuta më vonë, kur Granit Xhaka e faulloi Heung-min Son në zonën e 16-metërshit, transmeton Gazeta Express.

Harry Kane e konvertoi penalltinë para se Alexandre Lacazette dhe Pierre-Emerick Aubameyang ta kthente Arsenalin në lojë. Ndeshja përfundoi me rezultat 2:2, mirëpo një paraqitje më e mirë nga Xhaka do të ndikonte që ndeshja të ishte më pozitive për  Arsenalin.

Megjithatë, Emery beson se mesfushori me pasaportë zvicerane e pati një ndeshje të mirë, përkundër atij incidenti, dhe ai e mbështeti lojtarin e tij për t’u përmirësuar në Arsenal dhe t’i zvogëlojë gabimet e tilla.

“Ne po flisnim këtë mëngjes. Bëje një gabim, kuptoje gabimin, mëso nga ai, përmirësoje dhe përsërite me sukses. Ne mund të flasim për gabimet e çdo lojtari në çdo seancë stërvitore dhe çdo ndeshje”, ka thënë Emery.

“Por, ne më të vërtetë s’mund të kemi më shuam gabime të tilla sepse ata shënojnë gol kundër nesh ose ne mund të mos shënojmë pastaj. Por, unë jam përqendruar në gjërat e mira. Xhaka e ka një karakter të madh dhe ai është shumë i rëndësishëm për ne”. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...