Flaka Loxha është vetëm një fitore larg medaljes së bronztë evropiane të xhudos, në kampionatin evropian për junior, që po mbahet në Vantaa të Finlandës.

Sukseset e Kosovës në xhudo nuk kanë të ndalur dhe tani pritet edhe një medalje e re në kategorinë e juniorëve.

Xhudistja jonë në kategorinë deri në 57 kilogramë, shënoi tri fitore, ndërsa të bronztën po e kërkon përmes repesazhit, pas fitores ndaj holandezes Pleuni Cornelisse.

Në çerekfinale, Loxha u mposht nga kampionia e botës për kadete, Seija Ballhaus.

Flaka në luftën për medaljen e bronztë do të ndeshet ndaj ruses, Vita Baitanik. /Telegraf