Trajneri i Portugalisë: Është e qartë se Ronaldo është më i miri në botë

PUBLIKUAR

rajneri i ekipit kombëtar të Portugalisë, Fernando Santos, beson se paraqitja e mbrëmshme e Cristiano Ronaldos, që i shënoi katër gola, është dëshmi e qartë se ai është futbollisti më i mirë në botë.

Cristiano Ronaldo u bë golashënuesi më i mirë në histori të kualifikimeve për Kampionatin Evropian me 25 gola, pasi shënoi katër herë në fitoren 5:1 të Portugalisë kundër Lituanisë, transmeton Gazeta Express.

Ylli 34-vjeçar ishte i pandalshëm në ndeshje kualifikuese për EURO 2020 të Grupit B në Vilnius, ku ai e festoi het-trikun e tij të tetë për Portugalisë, përderisa edhe e arriti shifrën prej 93 golash me Kombëtaren.

Pesë-herë fituesi i Topit të Artë, Ronaldo, krahasohet vazhdimisht me pesë-herë fituesin tjetër të Topit të Artë, Lionel Messin, në debatin se cili është futbollisti më i mirë në botë. Mirëpo, për trajnerin e Portugalisë përgjigja në këtë pyetje është e qartë.

“Kjo është dëshmia e qartë dhe e pakthyeshme  se ai është futbollisti më i mirë në botë”, tha Santos, pas ndeshjes kundër Lituanisë.

“Nuk ka asnjë stadium në botë ku nuk duartrokitet Ronaldo. Ne shkuam në Paris në ndeshjen time të parë dhe hoteli në Francë ishte përballë rrugës. Kishte me mijëra njerëz para derës sonë”.

“Mendoj se është e çuditshme kur ai nuk shënon. Ata thonë se karriera e tij po merr fund… asgjë nuk po merr fund.  Duhet të jesh i kujdesshëm sepse nuk merr fund asnjëherë”. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...