Juventusi me shumë mund arriti të marrë pikën e parë këtë sezon dhe kjo sipas Alessandro Del Pieros, është e pranueshme duke parë grupin e ri që ka krijuar trajneri Massimiliano Allegri.

Ish-sulmuesi i Zonjës së Vjetër ka thënë se duhet kohë që lojtarët të mësohen me lojën e njëri tjetrit.

“Juventusi ka ndryshuar, ka shumë lojtarë të rinj dhe është duke u përpjekur që të gjejë formacionin e duhur”.

“Mendoj se duhet ende kohë që të shohim Juven e vërtetë, pasi shumica e lojtarëve nuk kanë luajtur më parë së bashku dhe kështu ata duhet të komponohen që të shprehin cilësitë e veta”, ka thënë Del Piero.

Ndeshja e ardhshme e Juventusit do të jetë kundër Genoas. /Telegrafi/