Dembeles s’i bën nëse Neymar i bashkohet Barcelonës

PUBLIKUAR

Menaxheri i i yllit të Barcelonës, Ousmane Dembele, i ka hedhur poshtë thashethemet se klienti i tij do të kërkojë rrugëdalje nga Camp Nou nëse Neymar kthehet në klub, duke këmbëngulur se francezit nuk i bën për bashkëlojtarët e tij të rinj të mundshëm.

Gjatë gjithë verës është përfolur për kthimin e Neymarit në Barçë dhe kjo i ka lënë nën hije blerjet dhe shitjet e klubit, përfshirë ardhjen e Frenkie de Jong, Antoine Griezmann dhe Junior Firpo gjatë asaj kohe, transmeton Gazeta Express.

Dhe humbja 1:0 të premten kundër Athletic Bilbaos në ndeshjen hapëse të La Ligës duket se vetëm sa i ka shtuar zërat për ta kthyer brazilianin në Katalonjë nga Paris Saint-Germaini, edhe pse bisedimet me kampionin francez nuk kanë qenë të lehta.

Por, nëse Neymar përfundimisht transferohet këtë verë, Dembele do të jetë vërtet afër largimit, duke ditur se Ernesto Valverde i ka në dispozicion Leo Messin, Luis Suarezin dhe Antoine Griezmannin për vijën e sulmit.

Por, menaxheri i tij Moussa Sissoko, këmbëngul se ish-ylli i Dortmundit nuk po mendon për largimin në sezonin e ardhshëm.

“Ai nuk ndihet aspak i kërcënuar. Kur luan në Barcelonë, natyrisht se pret të kesh konkurrencë”, tha Sissoko.

“Neymar apo kushdo qoftë, Dembeles nuk i bën aspak, sepse atij i  bën vetëm për atë që e bën vet”, theksoi ai. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...