PSG nuk heq dorë nga Donnarumma

PUBLIKUAR

Klubi francez po planifikon ta shesë fillimisht Neymarin dhe më pas me paratë e fituara të shpenzojë në blerjen e futbollistëve. Njëri prej tyre mund të jetë edhe portieri italian i Milanit

Tashmë është e qartë se Gianluigi Donnarumma është një objektiv i vjetër i Paris Saint-Germainit, shkruan Gazeta Express.

Mbi të gjitha pas largimit të Gianluigi Buffon, klubi francez është në kërkim të një portieri të ri.

Dhe, gjiganti i Ligue 1 është duke vazhduar ta pëlqejë portierin e ri të Milanit.

Mirëpo, fillimisht klubi nga “Parku i Princave” po planifikon ta shesë Neymarin dhe me paratë që do t’i fitojë nga shitja e yllit brazilian, do të blejë më pas futbollistë të rinj.

E njëri prej tyre, sipas të së përditshmes franceze L’Equipe është përfaqësuesi i ri italian.

Donnarumma në dy sezonet e fundit ishte njëri prej portierëve më të mirë në Evropë.

Edhe pse Milani e konsideron të pashitshëm, një ofertë prej 70 milionë eurosh mund ta ndryshonte skenarin dhe Donarumman mund ta shihnim në kryeqytetin francez.

Si alternativë të tij, PSG-ja e ka portierin e Real Madridit, Keylor Navas. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...