Oferta e majme e Monacos për Icardin

PUBLIKUAR

Monaco është klubi më i ri që ka shprehur interesim të madh për sulmuesin e Interit Mauro Icardi, të cilit i ka ofruar pagë shumë të majme vjetore.

Sipas mediave italiane, klubi francez është i gatshëm t’i ofrojë sulmuesit argjentinas pagë vjetore prej 12 milionë euro, transmeton Gazeta Express.

Ndërsa, Interit Monaco pritet t’ia ofrojë 65 milionë euro plus bonuse për shërbimet e argjentinasit.

Icardi është plotësisht jashtë planeve të Interit dhe vazhdon ta refuzojë kalimin te Napoli, sepse e dëshiron transferimin te Juventusi, edhe pse tani duket seç herë e më i pamundur për të kalimi te kampioni italian.

Sipas Rai Sport, Monaco ka shfaqur interesim të madh për Icardin tani.

Klubi i League 1 është i gatshëm t’ia ofrojë Interit shumën e njëjtë që po ia ofron Napoli, 65 milionë euro plus bonuse, por pagë shumë më të lartë Icardit, plot 12 milionë euro në sezon për pesë vjetët e ardhshme.

Besohet se Napoli i ka ofruar Icardit pagë vjetore prej 7.5 milionë euro plus bonuse.

Interi parapëlqen ta shesë Icardin jashtë Italisë, bile në një klub që nuk është as në Ligën e Kampionëve, megjithatë gjithçka varet nga dëshira e lojtarit dhe menaxheres së tij Wanda Nara. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...