Van de Beek: Real Madridi është fantastik, por mund të qëndroj në Ajax

PUBLIKUAR

Ylli i Ajaxit, Donny van de Beek, thotë se ai mund të qëndrojë te klubi holandez, përkundër interesimit nga Real Madridi “fantastik” për ta transferuar atë gjatë këtij afati kalimtar të verës.

22-vjeçari veçse e ka konfirmuar se Real Madridi është në bisedime me Ajaxin për një transferim të mundshëm, pasi që transferimi i mesfushorit të Manchester Unitedit, Paul Pogbas, dështoi, transmeton Gazeta Express.

Van de Beek, i cili shkëlqeu në ecurinë e Ajaxit deri në gjysmëfinalet e sezonit të kaluar të Ligës së Kampionëve, thotë se asgjë nuk është e caktuar për të ardhmen e tij dhe nuk e përjashtoi as mundësinë e qëndrimit në Amsterdam.

“Ata janë klub fantastik, por edhe Ajaxi është kështu gjithashtu”, ka thënë ai për Ziggo Sport, kur u pyet për Real Madridin.

“Nuk kam asgjë për t’u ankuar në këtë aspekt. Ka shumë mundësi që unë të vazhdoj të luaj këtu, por asgjë nuk është e sigurt ende”.

Kur u pyet sërish nga gazetarët se a do të ishte më mirë për klubin që e ardhmja e tij të ishte më e qartë, ai tha: “Edhe unë shpresoj ashtu sepse jam pak i lodhur nga të gjitha pyetjet për këtë transferim”.

Van de Beek ishte i përfshirë në ndeshjen e së martës të Ajaxit, të cilën kampioni holandez e fitoi me rezultat 3;2 kundër PAOK-ut për ta siguruar kualifikimin me rezultat të përgjithshëm 5:4 në rundin e tretë kualifikues të Ligës së Kampionëve. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...