Zyrtare: Dani Alves e vazhdon karrierën në vendlindje

PUBLIKUAR

Dani Alves ishte spekuluar se mund të transferohet në Premierligë apo të kthehet në Barcelona, mirëpo tani është bërë zyrtarisht e ditur se kapiteni i Brazilit do ta vazhdojë karrierën në vendlindje.

Klubi brazilian, Sao Paulo, e ka konfirmuar transferimin e 36-vjeçarit. Ata nuk paguan asnjë cent për këtë transferim, pasi që kontrata e Dani Alvesit me Paris Saint-Germainin u mbyll muajin e kaluar, transmeton Gazeta Express.

São Paulo FC

✔@SaoPauloFC_eng

“For my country, for my people. For my beloved club.” @DaniAlvesD2 is here until 2022! 🇾🇪🇧🇷

View image on Twitter
730 people are talking about this

Alvesi i është bashkuar klubit në një marrëveshje trevjeçare. Ish-mbrojtësi i krahut të djathtë i Barcelonës dhe Juventusit tha se ai mund të kishte zgjedhur cilindo klub në botë, po zgjodhi të kthehet në Brazil.

Presidenti i klubit, Carlos Augusto de Barros e Silva, ishte i kënaqur që e mirëpriti Alvesin në Sao Paulo.

“Daniel Alves është mishërimi i planeve që ne drejtuesit e klubit i kemi menduar për Sao Paulon. Ai është njëri ndër lojtarët kryesorë në botë dhe është i njohur për profesionalizmin e tij”, ka thënë Silva.

“Ai është përjetësisht i etur për trofe dhe fitore dhe është i interesuar për vendin tonë. Kështu që, Sao Paulo fiton në të gjitha frontet e mundshme”.

“Një ditë unë i thashë atij se do të vinte të luaj në Sao Paulo, klubin e zemrës së tij. Sot, e kam kënaqësinë e madhe dhe krenarinë ta përmbushi këtë premtim”.

Alvesi i ka fituar 40 trofe në karrierën e tij me klube dhe Kombëtaren, duke u bërë kështu futbollisti më i suksesshëm në botë. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...